(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

॥ శ్రీః ॥
13.222. అధ్యాయః 222
అథ దానధర్మపర్వ ॥ 1 ॥
Mahabharata - Anushaasana Parva - Chapter Topics
మహేశ్వరేణోమాంప్రతి స్త్రీణాం పుంశ్చలీత్వాదిదోషహేతుభూతదుష్కర్మకథనం॥ 1 ॥ తథా ప్రాణిసాధారణ్యేన దాస్యాదిప్రయోజకదుష్కర్మకథనం॥ 2 ॥
Mahabharata - Anushaasana Parva - Chapter Text

ఉమోవాచ।

భగవందేవదేవేశ శూలపాణే వృషధ్వజ।
పుంశ్చల్య ఇవ యా స్త్రీషు నీచవృత్తిరతాః స్మృతాః।
కేన కర్మవిపాకేన తన్మే శంసితుమర్హసి॥ 13-222-1(90112)
మహేశ్వర ఉవాచ। 13-222-2x(7554)
యాః పురా మనుజా దేవి బుద్ధిమోహసమన్వితాః।
కామరాగసమాయుక్తాః పతీనతిచరంతి వై॥ 13-222-2(90113)
ప్రతికూలపరా యాస్తు పతీన్ప్రతి యథా తథా।
శౌచం లజ్జాం తు విస్మృత్య యథేష్టపరిచారణాః॥ 13-222-3(90114)
ఏవంయుక్తసమాచారా యమలోకే సుదండితాః।
యది వై మానుషం జన్మ లభేరంస్తాస్తథావిధాః।
బహుసాధారణా ఏవ పుంశ్చల్యశ్చ భవంతి తాః॥ 13-222-4(90115)
పౌశ్చల్యం యత్తు తద్వృత్తం స్త్రీణాం కష్టతమం స్మృతం।
తతఃప్రభృతి తా దేవి పతంత్యేవ న సంశయః॥ 13-222-5(90116)
శోచంతి చేత్తు తద్వృత్తం మనసా హితమాప్నుయుః॥ 13-222-6(90117)
ఉమోవాచ।
భగవందేవదేవేశ ప్రమదా విధవా భృశం। 13-222-6x(7555)
దృశ్యంతే మానుషా లోకే సర్వకల్యాణవర్జితాః।
కేన కర్మవిపాకేన తన్మే శంసితుమర్హసి॥ 13-222-7(90118)
మహేశ్వర ఉవాచ। 13-222-8x(7556)
యాః పురా మనుజా దేవి బుద్ధిమోహసమన్వితాః।
కుటుంబం తత్ర వే పత్యుర్నాశయంతి వృథా తథా॥ 13-222-8(90119)
విషదాశ్చాగ్నిదాశ్చైవ పతీన్ప్రతి సునిర్దయాః।
అన్యాసాం హి పతీన్యాంతి స్వపతిద్వేషకారణాత్॥ 13-222-9(90120)
ఏవంయుక్తసమాచారా యమలోకే సుదండితాః।
నిరయస్థాశ్చిరం కాలం కథంచిత్ప్రాప్య మానుషం।
తత్ర తా భోగరహితా విధవాస్తు భవంతి వై॥ 13-222-10(90121)
ఉమోవాచ। 13-222-11x(7557)
భగవన్ప్రమదా లోకే పత్యౌ జ్ఞాతిషు సత్సుచ।
లింగిన్యః సంప్రదృశ్యంతే పాషండం మతమాశ్రితాః।
కేన కర్మవిపాకేన తన్మే శంసితుమర్హసి॥ 13-222-11(90122)
మహేశ్వర ఉవాచ। 13-222-12x(7558)
యాః పురా భావదోషేణి లోభమోహసమన్వితాః।
పరద్రవ్యపరా లోభాత్పరేషాం ద్రవ్యహారకాః॥ 13-222-12(90123)
అభ్యసూయాపరా యాస్తు సపత్నీనాం ప్రదూషకాః।
ఈర్ష్యాపరాః కోపనాశ్చ బంధూనాం విఫలాః సదా॥ 13-222-13(90124)
ఏవంయుక్తసమాచారాః పునర్జన్మని తాః స్త్రియః।
అలక్షణసమాయుక్తాః పాషండం ధర్మమాశ్రితాః।
స్త్రియః ప్రవ్రాజశీలాశ్చ భవంత్యేవ న సంశయః॥ 13-222-14(90125)
ఉమోవాచ। 13-222-15x(7559)
భగవన్మానుషాః కేచిత్కారువృత్తిసమాశ్రితాః।
ప్రదృశ్యంతే మనుష్యేషు నీచకర్మరతాస్తథా।
కేన కర్మవిపాకేన తన్మే శంసితుమర్హతి॥ 13-222-15(90126)
మహేశ్వర ఉవాచ। 13-222-16x(7560)
యే పురా మనుజా దేవి స్తబ్ధమానయుతా భృశం।
దర్పాహంకారసంయుక్తాః కేవలాత్మపరాయణాః॥ 13-222-16(90127)
తాదృశా మానుషా దేవి పునర్జన్మని శోభనే।
కాత్వో నటగంధర్వాః సంభవంతి యథా తథా॥ 13-222-17(90128)
నాపితా బందినశ్చైవ తథా వైతాలికాః ప్రియే।
ఏవంభూతాస్త్వధోవృత్తిం జీవంత్యాశ్రిత్య మానవాః॥ 13-222-18(90129)
పరప్రసాధనకరాస్తే పరైః కృతవేతనాః।
పరావమానస్య ఫలం భుంజతే పౌర్వదైహికం॥ 13-222-19(90130)
ఉమోవాచ। 13-222-20x(7561)
భగవందేవదేవేశ మానుషేష్వేవ కేచన।
దాసభూతాః ప్రదృశ్యంతే సర్వకర్మపరా భృశం॥ 13-222-20(90131)
ఆఘాతభర్త్సనసహాః పీడ్యమానాశ్చ సర్వశః।
కేన కర్మవిపాకేన తన్మే శంసితుమర్హసి॥ 13-222-21(90132)
మహేశ్వర ఉవాచ। 13-222-22x(7562)
తదహం తే ప్రవక్ష్యామి శృణు కల్యాణి కారణం॥ 13-222-22(90133)
యే పురా మనుజా దేవి పరేషాం విత్తహారకాః।
ఋణవృద్ధికరం కృష్యా న్యాసదత్తం తథైవ చ॥ 13-222-23(90134)
నిక్షేపకారణాద్దత్తపరద్రవ్యాపహారిణః।
ప్రమాదాద్విస్మృతం నష్టం పరేషాం ధనహారకాః॥ 13-222-24(90135)
వధబంధపరిక్లేశైర్దాసత్వం కుర్వతే పరాన్।
తాదృశా మరణం ప్రాప్తా దండితా యమశాసనైః॥ 13-222-25(90136)
కథంచిత్ప్రాప్య మానుష్యం తత్ర తే దేవి సర్వథా।
దాసభూతా భవిష్యంతి జన్మప్రభృతి మానవాః॥ 13-222-26(90137)
తేషాం కర్మాణి కుర్వంతి యేషాం తే ధనహారకాః।
ఆసమాప్తేః స్వపాపస్య కుర్వంతీతి వినిశ్చయః॥ 13-222-27(90138)
పశుభూతాస్తథా చాన్యే భవంతి ధనహారకాః।
తత్తథా క్షీయతే కర్మ తేషాం పూర్వాపరాధజం।
అతోఽన్యథా న తచ్ఛక్యం కర్మ భోక్తుం సురాసురైః॥ 13-222-28(90139)
కింతు మోక్షవిధిస్తేషాం సర్వతా తత్ప్రసాదనం।
అయథావన్మోక్షకామః పునర్జన్మని చేష్యతే॥ 13-222-29(90140)
మోక్షకామీ యథాన్యాయం కుర్వన్కర్మాణి సర్వశః।
భర్తుః ప్రసాదమాకాంక్షేదాయాసాన్సర్వథా సహన్॥ 13-222-30(90141)
ప్రీతిపూర్వం తు యో భర్త్రా ముక్తో ముక్తః స్వపాపతః।
తథాభూతాన్కర్మకరాన్సదా సంతోషయేత్పతిః॥ 13-222-31(90142)
యథార్హం కారయేత్కర్మ దండకారణతః క్షిపేత్।
వృద్ధాన్బాలాంస్తథా క్షీణాన్పాలయంధర్మమాప్నుయాత్॥ 13-222-32(90143)
ఇతి తే కథితం దేవి భూయః శ్రోతుం కిమిచ్ఛసి॥ ॥ 13-222-33(90144)

ఇతి శ్రీమన్మహాభారతే అనుశాసనపర్వణి దానధర్మపర్వణి ద్వావింశత్యధికద్విశతతమోఽధ్యాయః॥ 222 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.